Dan il-workbook fih ħafna logħob fejn it-tfal jistgħu jilgħabu waħidhom jew ukoll flimkien ma’ sħabhom. B’dan il-workbook, il-poeżiji tal-ktieb Żveljarin jakkwistaw dimensjoni oħra għaliex isiru wkoll logħob biex il-poeżija ma tibqax oġġett “tal-iskola” imma ssir qari ta’ gost.
Imfassal minn Clare Azzopardi bl-għajnuna ta’ Mariella Cassar u Phyllis Debono f’isem L-Għaqda tal-Għalliema tal-Malti b’konsultazzjoni ma’ Terence Portelli
Clare Azzopardi
Wara 25 sena tgħallem il-letteratura Maltija, Clare Azzopardi ddeċidiet li titlaq kollox u tibda kapitlu ġdid. Ma tafx kemm se jkun twil dal-kapitlu, u lanqas jimpurtaha wisq dment li qed tiktbu hi. L-importanti li magħha hemm Albert, karattru importanti ħafna fl-istorja ta’ ħajjitha; l-importanti li hemm il-kotba tal-kittieba li tħobb (sintendi ma tistax iġġorrhom kollha, imma ġa ġarret ħafna); l-importanti li hemm is-siġar ħodor u kbar qishom ġganti; ir-russetti u ċ-ċikonji bla ebda biża’ li jaqilgħu tir; l-importanti li hemm is-skiet u ftit li xejn krejnijiet.
clareazzopardi.comritratt meħud minn Giola CassarAra aktar
