About This Book
Rebbieħ tal-Premju Nazzjonali tal-Ktieb
Ir-rumanz 'cult' ta' Ġużè Stagno
"Kif naraha jien, il-klassi tal-ħaddiema hi bħall-'Hotel California': 'You can check out any time you like but you can never leave …', lanqas jekk iġġib dottorat mis-Sorbonne. Jien u oħrajn bħali aħna fost l-aktar nies żvinturati li jeżistu fid-dinja: twelidna fil-klassi tal-ħaddiema u twelidna b'moħħna tajjeb biżżejjed biex nirrealizzaw f'liema diżastru twelidna. Mulej nitolbok: jekk trid iġġibni wild il-ħaddiem agħmel li ż-żobb trid, imma għall-anqas ġibni stupidu bħalma ġibt lil missirijieti."
Jekk Inbid ta' Kuljum kien aħrax u pastaż, Xemx, Wisq Sabiħa huwa tassew l-abiss: dak kollu li dejjem għarafna iżda li qatt ma xtaqna nitkellmu dwaru. Id-dwejjaq, il-kruha, il-ħażen, il-vulgarità ta' ġenerazzjoni li ma fadlilha xejn iżjed xi tgħid. Stagno jobżoq kollox fi traġikummiedja trash ambjentata fil-ħmieġ ta' Paceville, fil-familji working class ta' Marsaxlokk, fil-weekends f'Għawdex, żwieġ għax m'hemmx iżjed x'tagħmel u tletin elf lira dejn għall-post.
"I honestly cannot make up my mind whether Ġużè Stagno's Xemx, Wisq Sabiħa is one of the best books in Maltese I've ever read, or one of the worst." - Toni Sant
ippubblikat għall-ewwel darba mill-Minima
“I honestly cannot make up my mind whether Ġużè Stagno’s Xemx, Wisq Sabiħa is one of the best books in Maltese I’ve ever read, or one of the worst.” – Toni Sant
