It-tifla tinzertani żaqqi barra. Tgħidli, “Mur ilbes minn hemm int. Is-suf abjad mhux moda.”
L-ulied jimlew id-dar, jgħidu l-Maltin. Kollu minnu. Jimlew id-dar bl-imbarazz, b’diskorshom jgħajjat, bl-avventuri u fuq kollox bil-filosofija tagħhom.
Sergio Grech jippreżenta aneddoti minn ħajtu ta’ missier ta’ tifla u tifel. Xi drabi dawn l-istejjer jaqsmuk bid-daħq. Drabi oħra jqanqlu demgħa. Imma bla dubju ħafna minna se ngħixu dawn l-istejjer mill-qrib u se niftakru fi wliedna.
Aqra silta mill-ktieb hawn taħt billi tagħfas fuq it-tab “Excerpt”
Sergio Grech
Sergio Grech iħobb jgħid li ħajtu ddur madwar il-kliem, u sa ċertu punt għandu raġun. Huwa l-aġent kap ta’ skola, kittieb, riċerkatur u editur tal-kotba. Il-Bambin biss jaf kemm-il kelma lissen tul il-karriera tiegħu l-iskola. Bħala kittieb, uża għexieren t’eluf ta’ kliem. Bħala riċerkatur, il-kliem qrahom biex imbagħad kiteb il-konklużjonijiet tiegħu b’iżjed kliem. U meta jikteb għall-media jew għal xi rivisti akkademiċi, ikollu quddiemu mhux biss termini ta’ żmien imma anki ta’ numru ta’ kliem. Apparti l-użu tal-kliem, huwa wkoll missier ta’ żewġt itfal. Minn hemm l-ewwel ktieb tiegħu mal-Merlin, U tisbaħ missier …Ara aktar
“L-aħħar xogħol ta’ Sergio Grech huwa sorpriża editorjali pjaċevoli …”
“Sergio u wliedu jfakkruna wkoll fit-tfulija tagħna, u kwalità oħra ta’ dan il-ktieb delizzjuż hija l-perspettiva li mhijiex egoċentrika, imma li tinkwadra l-ewwel mumenti tal-ħajja fi ħdan qafas ikbar”
“L-iskoperta azzekkata tal-Merlin Publishers tal-idea ta’ Grech hija pass ieħor fil-produzzjoni ta’ għażla aktar varjata ta’ pubblikazzjonijiet li żgur jilħqu pubbliku usa’, iħaddmu l-lingwa b’mod realistika mingħajr ma jheddu jew ikażbru l-Malti, u li wkoll irodddulna, għala le, mumenti ħfief, ħelwin u li jqanqlu tbissima, iżda li qatt ma jaqgħu fil-banalità”
— Mark Vella, fl-Illum: Skont iz-zokk, il-fergħa
“a fun read with some moments which do provide moments for reflection”
— reċensjoni f’ The Bobsphere
