Tikka Malti 3a

Mela darba faqqgħet pandemija, u … Xpatapumm!

Tfaqqa’ pandemija. Żewġt iħbieb antiki, ejja nsemmuhom Clare u Chris, jibdew jibagħtu messaġġi lil xulxin fuq WhatsApp b’suġġerimenti ta’ kotba x’jaqraw, sensiliet x’jaraw fuq Netflix, eċċ. Minħabba li t-tnejn dejjem qishom imġienen, għaddejjin minn ħaġa għall-oħra, flok messaġġi text jirrekordjawhom messaġġi awdjo. Chris jidħol fid-drawwa li jisma’ l-messaġġi awdjo ta’ Clare fi triqtu lura d-dar [...]

Halloween mimli mostri!

Ġa t-toroq qed jimtlew b’qargħa ħamra, xemgħat, ħajt tal-brimb u fatati … u dak ifisser biss ħaġa waħda: li qed toqrob Halloween. Min jaf għaliex festa “tal-biża’” tagħtina tant gost - probabbli għall-istess raġuni li nħobbu naraw il-films tal-orrur jew naqraw xi storja tal-biża’. Speċjalment mat-tfal, il-faxxinu tal-biża’ hu xi ħaġa primordjali. Imma naturalment mat-tfal [...]

Tikka Malti 3a u Tikka Malti 3b huma ż-żewġ kotba fit-tielet livell, għat-tielet sena tal-primarja. Tikka Malti 3a huwa mqassam f'temi u ma' kull tema nsibu l-erba' ħiliet: il-qari, il-kitba, it-taħdit u s-smigħ. Huwa permezz tal-ħiliet li t-tfal jitħarrġu fl-oqsma tal-grammatika u l-kultura, fost l-oħrajn. Insibu siltiet fittizji u mhux fittizji. Kemm it-taħriġ il-fehem kif ukoll il-kitba kreattiva huma ggradati, ippreżentati mill-eħfef għall-itqal biex it-tfal jitjiebu fis-suġġett bil-pass tagħhom. Dan jagħmluh b'mod mill-aktar kreattiv. Fost it-temi nsibu: djar differenti, dawra mad-dinja u għadd ta' ħaddiema. Il-ktieb huwa wkoll akkumpanjat b'podcasts u b'riżorsi oħrajn għall-għalliema u għall-ġenituri.

ISBN: 9789990919295
Illustratur: Erin Taylor
Pubblikazzjoni: 2016
Paġni: 72

Reċensjonijiet(0)

Clare Azzopardi

Clare Azzopardi tgħix ġo dar antika 400 sena. Tqatta’ ħafna ħin taqra u tikteb l-istejjer kemm għat-tfal kif ukoll għall-kbar, sakemm ma tkunx qed tgħallem. Hija l-Kap tad-Dipartiment tal-Malti fil-Junior College. Rebħet ħafna premjijiet bil-kotba tagħha u ħafna mix-xogħol tagħha ġie maqlub f’lingwi oħra. clareazzopardi.com

View Profile

Leanne Ellul

leanne ellul tgħallem il-Malti lil żgħażagħ kemxejn kbar. fejn tista’ tikteb b’ittri żgħar għax l-ittri kbar idejquha. ma tikolx annimali u meta ma tikolx il-kelba bil-bews tqatta’ ħafna ħin taqra, tirriċerka jew tikteb. il-kittieba b’xagħarha aħmar (kif kien qalilha darba xi ħadd) tħobb ir-ritratti bojod u suwed. iswed kif tħobb il-kafè. tikteb it-textbooks tikka malti ma’ clare azzopardi, u rebħet il-premju francis ebejer 2013, rebħet il-konkors rumanzi għaż-żgħażagħ 2014, kienet parteċipanta fil-bjennale 2015 u ħadet il-premju speċjali tal-premju tal-ktieb għall-aħjar kittieba emerġenti. bħalissa qed taħdem fuq il-poeżiji tagħha kif ukoll it-tieni rumanz għaż-żgħażagħ. leanneellul.net

View Profile

IXTRI

Clare Azzopardi, Leanne Ellul,

Tikka Malti 3a