Edizzjoni aġġornata skont is-sillabu ġdid tal-Malti, u t-taħriġ kollu fil-ħiliet huwa abbinat mal-Kisbiet mit-Tagħlim (LOs)
Tikka Malti 2a u Tikka Malti 2b huma ż-żewġ kotba fit-tieni livell, għat-tieni sena tal-primarja.
Tikka Malti 2b jintrabat ma’ Tikka Malti 2a, u jħejji t-triq għal ta’ warajh. Bħall-kotba kollha f’din is-sensiela, it-tagħlim tal-Malti qed jiġi ppreżentat b’mod kreattiv sabiex it-tfal jitgħallmu filwaqt li jieħdu gost. It-temi jvarjaw min-numri għall-annimali, fost l-oħrajn. It-tagħlim isir permezz tal-erba’ ħiliet tal-qari, il-kitba, it-taħdit u s-smigħ, dan tal-aħħar anke bl-għajnuna ta’ podcasts, flimkien ma’ riżorsi oħra għall-għalliema u l-ġenituri li jgħinu l-Malti jiġi mgħallem f’kuntest.
Hemm ukoll numru ta’ paġni ddedikati għat-tagħliem ta’ kliem bl-istess forma u eżerċizzji li jikkumplimentawhom. Dan il-ktieb huwa għodda pedagoġika unika mfassla fid-dawl tas-sillabu l-ġdid. Ma’ kull taqsima hemm abbinati l-punti mill-programm tal-metalingwa biex b’hekk l-għalliema kif ukoll il-ġenituri jkunu jafu liema minn dawn intlaħqu.
Leanne Ellul
leanne ellul tgħallem il-Malti lil żgħażagħ kemxejn kbar. fejn tista’ tikteb b’ittri żgħar għax l-ittri kbar idejquha. ma tikolx annimali u meta ma tikolx il-kelba bil-bews tqatta’ ħafna ħin taqra, tirriċerka jew tikteb. il-kittieba b’xagħarha aħmar (kif kien qalilha darba xi ħadd) tħobb ir-ritratti bojod u suwed. iswed kif tħobb il-kafè. tikteb it-textbooks tikka malti ma’ clare azzopardi, u rebħet il-premju francis ebejer 2013, rebħet il-konkors rumanzi għaż-żgħażagħ 2014, kienet parteċipanta fil-bjennale 2015 u ħadet il-premju speċjali tal-premju tal-ktieb għall-aħjar kittieba emerġenti. bħalissa qed taħdem fuq il-poeżiji tagħha kif ukoll it-tieni rumanz għaż-żgħażagħ.leanneellul.netAra aktar
Clare Azzopardi
Wara 25 sena tgħallem il-letteratura Maltija, Clare Azzopardi ddeċidiet li titlaq kollox u tibda kapitlu ġdid. Ma tafx kemm se jkun twil dal-kapitlu, u lanqas jimpurtaha wisq dment li qed tiktbu hi. L-importanti li magħha hemm Albert, karattru importanti ħafna fl-istorja ta’ ħajjitha; l-importanti li hemm il-kotba tal-kittieba li tħobb (sintendi ma tistax iġġorrhom kollha, imma ġa ġarret ħafna); l-importanti li hemm is-siġar ħodor u kbar qishom ġganti; ir-russetti u ċ-ċikonji bla ebda biża’ li jaqilgħu tir; l-importanti li hemm is-skiet u ftit li xejn krejnijiet.
clareazzopardi.comritratt meħud minn Giola CassarAra aktar
