-
Clare Azzopardi, Leanne Ellul,
Edizzjoni aġġornata skont is-sillabu l-ġdid tal-Malti, u t-taħriġ kollu huwa abbinat mal-programm tal-metalingwa għall-ewwel u t-tieni sena tal-primarja
Tikka Malti 1a u Tikka Malti 1b huma ż-żewġ kotba fl-ewwel livell, għall-ewwel sena tal-primarja.
Is-sensiela Tikka Malti twassal il-Malti lit-tfal b’mod innovattiv u divertenti. It-temi f’Tikka Malti 1b huma temi li jolqtuhom bħan-numri, l-ikel, il-ħaxix u l-frott, l-annimali, il-ħwejjeġ, it-temp u l-istaġuni. Dawn jiġu indirizzati permezz ta’ eżerċizzji bbażati fuq l-erba’ ħiliet — il-qari, il-kitba, it-taħdit u s-smigħ — bl-għajnuna ta’ podcasts u materjal supplimentari ieħor.
Il-ktieb fih ukoll diversi eżerċizzji grammatikali u oħrajn iffukati fuq kliem bl-istess forma bħal: VKKV, KVKVK, KVKK, KKVK.
Dan il-ktieb huwa għodda pedagoġika unika mfassla fid-dawl tas-sillabu l-ġdid. Ma’ kull taqsima hemm abbinat il-programm tal-metalingwa biex b’hekk l-għalliema kif ukoll il-ġenituri jkunu jafu liema kisbiet intlaħqu.
Bilħaqq, Dino u Dina se jkunu hemm ukoll!
