-
Clare Azzopardi
Dan il-ktieb se jgħinek ittejjeb il-ħiliet tat-taħdit u s-smigħ. Fih se ssib 20 podcast u ma’ kull wieħed hemm marbuta eżerċizzji sempliċi u differenti li jgħinuk tifhem iktar dak li tkun smajt. Is-siltiet huma kollha siltiet differenti. Uħud minnhom meħuda minn sitwazzjonijiet komuni li nistgħu niltaqgħu magħhom kuljum. Ftit minnhom huma stejjer minn kotba u oħrajn huma stejjer mhux fittizji. Għandek issib ukoll xi rapport tat-temp, programm fuq ir-radju jew fuq it-televixin u xi diskussjonijiet.
Apparti l-podcasts u l-mistoqsijiet marbuta magħhom, għandek issib ukoll sett ta’ stampi li jgħinuk biex titħaddet ma’ sħabek, mal-għalliema jew mal-ġenituri. Kull taqsima tħarrġek kemm fis-smigħ kif ukoll fit-taħdit u l-istampi jgħinuk tistaqsi, tiddiskuti, tqabbel, tanalizza u toħloq storja. Fost l-eżerċizzji marbuta mal-ħila tas-smigħ għandek issib: Staqsi Int, Stampa dwar Tema, Stampa Storja, Qabbel żewġ Stampi, Stampa Weħedha.
Jekk inti fis-sitt sena tal-iskola primarja, dan il-ktieb huwa tajjeb għalik.
