About This Book
Teleskopju 5 huwa ktieb ta’ taħriġ il-fehem ibbażat fuq is-sillabu l-ġdid u t-taħriġ kollu huwa abbinat mal-Kisbiet mit-Tagħlim (LOs) tal-Malti għall-ħames sena tal-primarja. L-għan prinċipali ta’ dan il-ktieb huwa li jħarreġ lill-istudenti fil-komprensjoni permezz ta’ testi tal-qari u tas-smigħ. Ħafna mit-testi huma magħżulin minn kotba addattati biex iħajru t-tfal ikomplu jaqraw.
Flimkien ma’ numru ta’ riżorsi u għodod oħrajn, jgħin lill-istudenti jissaħħu fil-ħiliet indirizzati fis-sillabu: qari, smigħ u taħdit. Teleskopju 5 jlaqqagħhom ukoll ma’ għadd ta’ ġeneri differenti fosthom dawk fittizji u mhux, karattri interessanti u temi attwali u kurrenti. Il-ktieb huwa akkumpanjat minn filmati u podcasts apposta biex l-istudenti jiddiskutu ma’ sħabhom tal-klassi, f’pari jew fi gruppi, jippreżentaw xogħolhom u jaħsbu b’mod kritiku.
Dan il-ktieb maħdum skont is-sillabu l-ġdid tal-Malti, u t-taħriġ kollu fil-ħiliet huwa abbinat mal-Kisbiet mit-Tagħlim (LOs).
ISBN: 9789990919752
Illustratur: Naomi Gatt
Pubblikazzjoni: 2022
Paġni: 112
Nirrakkomandaw
