Ktieb bl-istampi ġdid mid-duo Noel Tanti u Matt Stroud
Stiefnu jqum kmieni kmieni qabel ix-xemx biex jaħmi l-ħobż. Filgħaxija, ftit qabel ma jagħlaq, it-tfal jiġu bi ħġarhom fil-ħanut tiegħu. Lil Stiefnu dejjem isibuh miksi bid-dqiq u mimli bl-istejjer.
Bejn gidma ħobż u gidma biskuttell, it-tfal jintilfu fl-avventuri mal-furnara qalbiena tal-passat.
Noel Tanti
Noel Tanti huwa wieħed minn dawk in-nies li jorqdu biss erba’ sigħat kull lejl. Fis-sigħat bikrin ta’ filgħodu jagħmel dak li jagħmel kull meta ma jkunx qed jagħmel affarijiet oħra: jaqra, jikteb u jara l-films. Iħobb l-orrur tant li spiss issibu mixħut f’xi ktieb jew jara xi film qabel jisbaħ. Dan l-aħħar issaħħar wara l-poeżija Maltija, interess ugwalment ta’ pjaċir imma — fortunatament għalih — ferm inqas stressanti.
“F’dan il-ktieb minbarra li t-tfal isiru familjari mal-vokabularju marbut mal-furnar bħal tinsila u furnata u l-prodotti li joħorġu kuljum sħan u bnini mill-forn Malti, jitgħallmu dwar is-sens tal-altruwiżmu li jispikka fil-furnara.”
— Reċensjoni ta’ Elena Cardona fl-Illum: Kotba u karattri “qalbhom tajba u ħanina”
