-
Simone Spiteri
Storikus 2 huwa t-tieni volum f’sensiela ta’ kotba tal-Istorja għas-sekondarja. Diversi aspetti mill-istorja ta’ Malta, minn Żmien il-Medjuevu sal-wasla tan-Normanni, mir-Rinaxximent madwar l-Ewropa u Żmien l-Iskoperti sal-Assedju l-Kbir tal-1565 huma ppreżentati kronoloġikament b’mod informattiv, interessanti u ħolistiku. Ix-xogħol u attivitajiet li fih, jagħtu lok lill-għalliema u l-istudenti għal djalogu, riċerka u dibattitu.
Kull Taqsima tinkludi wkoll word banks, reviżjoni fil-qosor, kaxxi ta’ fatti relatati mal-lezzjoni, bijografiji qosra ta’ karattri storiċi prinċipali, multiple choice tests, eżerċizzji u mistoqsijiet, logħob, spunti għal iżjed riċerka u proġetti, ritratti, illustrazzjonijiet, mapep u timelines.
Fis-sensiela hemm ukoll Storikus 1 bil-Malti, kif ukoll il-verżjonijiet bl-Ingliż, Storikus 1: the English edition u Storikus 2: the English edition.
