Idħol fil-klabb ta’ Tepp u Tipa billi timla formola ppreparata apposta għalik u ħu sehem fl-attivitajiet li se ssib fi Stilel 5.
Dan il-ktieb huwa mimli ħrejjef, stejjer u poeżiji sbieħ, attivitajiet li permezz tagħhom tista’ titħarreġ aktar fil-kitba bil-Malti, fit-taħdit, fis-smigħ u fil-grammatika Maltija. Għandek issib ukoll informazzjoni fuq il-kultura Maltija u fuq diversi poeti u kittieba Maltin. Barra minn hekk, f’dan il-ktieb se ssib ukoll parti minn storja tal-famuż Roald Dahl maqluba għall-Malti.
U tinsiex l-istilel! Kemm se jirnexxilek iġġemma’ int u taħdem il-ktieb?
Trevor Żahra
Trevor Żahra fettillu jitwieled fis-16 ta’ Diċembru 1947. Ma nafux jekk hux veru li kiteb l-ewwel rumanz tiegħu meta kellu xahrejn! Hu x’inhu, aktar faċli tipprova ssib x’ma kitibx, milli x’kiteb: stejjer għat-tfal, workbooks, poeżiji, rumanzi, novelli, drammi, monologi. U x’ma pinġiex? Biżżejjed insemmu Stampakelma li għalih pinġa ’l fuq minn elf stampa. S’issa diġà għandu kotba ppubblikati Franza, ir-Russja u n-Norveġja. trevorzahra.com
Clare Azzopardi tgħix ġo dar antika 400 sena. Tqatta’ ħafna ħin taqra u tikteb l-istejjer kemm għat-tfal kif ukoll għall-kbar, sakemm ma tkunx qed tgħallem. Hija l-Kap tad-Dipartiment tal-Malti fil-Junior College. Rebħet ħafna premjijiet bil-kotba tagħha u ħafna mix-xogħol tagħha ġie maqlub f’lingwi oħra. clareazzopardi.comAra aktar
