Il-lapes li jibda jimxi, Ġiġi li ma jinħasilx, id-dragun li jilbes il-kpiepel … dawn, u ħafna iktar, huma karattri li se tiltaqa’ magħhom f’dan is-senduq. Il-karattru huma ġodda u friski; l-istejjer mhux inqas.
M’hemm l-ebda dubju li dan is-senduq se jsakkrek ġo fih u ma jħallikx toħroġ minnu qabel ma tkun qrajt l-istejjer kollha li għandu għalik.
Ktieb fis-sensiela ‘Senduq’
Clare Azzopardi
Wara 25 sena tgħallem il-letteratura Maltija, Clare Azzopardi ddeċidiet li titlaq kollox u tibda kapitlu ġdid. Ma tafx kemm se jkun twil dal-kapitlu, u lanqas jimpurtaha wisq dment li qed tiktbu hi. L-importanti li magħha hemm Albert, karattru importanti ħafna fl-istorja ta’ ħajjitha; l-importanti li hemm il-kotba tal-kittieba li tħobb (sintendi ma tistax iġġorrhom kollha, imma ġa ġarret ħafna); l-importanti li hemm is-siġar ħodor u kbar qishom ġganti; ir-russetti u ċ-ċikonji bla ebda biża’ li jaqilgħu tir; l-importanti li hemm is-skiet u ftit li xejn krejnijiet.
clareazzopardi.comritratt meħud minn Giola CassarAra aktar
