Ftit taż-żmien ilu ġiet Maggie u qaltli kemm hi kuntenta li qiegħda f’dan il-ktieb. Imbagħad ftit wara ġew Ġorġ u Bertu u anki huma qaluli kemm huma kuntenti li qegħdin f’dan il-ktieb. Qaluli wkoll li qegħdin fuq ix-xwiek sabiex xi ħadd jaqra l-istorja tagħhom.
Jekk dan il-ktieb qiegħed f’idejk, fittex ibda aqra, għax naħseb li Maggie, Ġorġ u Bertu se jitilfu l-pacenzja kollha.
Ktieb fis-sensiela ‘Senduq’
Clare Azzopardi
Wara 25 sena tgħallem il-letteratura Maltija, Clare Azzopardi ddeċidiet li titlaq kollox u tibda kapitlu ġdid. Ma tafx kemm se jkun twil dal-kapitlu, u lanqas jimpurtaha wisq dment li qed tiktbu hi. L-importanti li magħha hemm Albert, karattru importanti ħafna fl-istorja ta’ ħajjitha; l-importanti li hemm il-kotba tal-kittieba li tħobb (sintendi ma tistax iġġorrhom kollha, imma ġa ġarret ħafna); l-importanti li hemm is-siġar ħodor u kbar qishom ġganti; ir-russetti u ċ-ċikonji bla ebda biża’ li jaqilgħu tir; l-importanti li hemm is-skiet u ftit li xejn krejnijiet.
clareazzopardi.comritratt meħud minn Giola CassarAra aktar
