About This Book
Finalist tal-Premju Nazzjonali tal-Ktieb
Wara 365, suppost kellu jerfa’ l-pinna f’postha u jagħlaq il-ktieb. Imma waqt li kien qed jagħlqu, waqgħet minn bejn il-folji warda bbalzmata. Bdiet tħares lejh bil-ħniena … tokroblu biex jonfoħ fuqha n-nifs tal-ħajja, iroddilha l-ilwien u l-fwieħa u jibdilha f’Sempreviva.
Żahra jirritorna b’antoloġija ta’ stejjer bi lwien u fwejjaħ liema bħalhom.
Fjuri li jiftħu billejl darba fis-sena …
Fjuri mferrxin mal-art fil-purċissjoni
ta’ Corpus Christi …
Fjuri fuq il-liżar taċ-ċinema …
Fjuri delikati,
Fjuri abbandunati,
Fjuri lill-maħbubin,
Fjuri lill-mejtin!
Aktar minn 30 rakkont
kollha mnebbħin
mill-fjuri.
Aqra l-intervista ma’ Trevor Żahra dwar Sempreviva fis-sit Common Routs, hawnhekk.
“Tibqa’ dejjem ħaġa inkredibbli wkoll kif Żahra kapaċi jipproduċi tant u tajjeb, u kif jista’ jagħġen l-immaġinazzjoni tiegħu anki għall-isfida apparentement monotematika ta’ Sempreviva.”
— Reċensjoni minn Mark Vella fl-Illum: Fliexken ġodda, essenzi antiki
