Rebbieħ: Andrea Meli għall-Aqwa Illustrazzjonijiet fi Ktieb għat-Tfal fil-Premju Nazzjonali tal-Ktieb
Graphic novel bil-Malti
Craig iffissat bil-logħba Save Samyo City. Li żgur qatt ma kien qed jistenna kien li titfaċċa buttuna tleqq fuq it-televixin hu u jilgħab. Il-logħba kien jafha tista’ tgħid bl-amment, u dik il-buttuna żgur li qatt ma kienet hemm qabel. Craig għafasha … u spiċċa miblugħ mil-logħba, qalb il-karattri kollha li hu kien jaf tant sew u li kien imdorri jilgħab bihom! L-avventura ta’ Kuro u ta’ Tamara issa kienet saret l-avventura tiegħu, u jekk irid imur lura d-dar, Craig irid jara kif se jeħles lin-nies ta’ Samyo City minn Gamyo darba għal dejjem.
Sherise Zammit
Sherise Zammit iggradwat bħala għalliema tal-primarja. Minn mindu żgħira dejjem kellha għal qalbha l-pinna u kienet tħobb tikteb xi kanzunetta, poeżija jew xi storja qasira. L-ewwel ktieb ippublikat tagħha kien Save Samyo City u bih rebħet il-premju Terramaxka fl-2015. Minn dak iż-żmien ġew ippublikati aktar kotba għall-qarrejja zgħar fosthom Big Books li tqassmu fl-iskejjel bħala riżorsi għall-għalliema. Sherise hija omm u dan jimmotivha sabiex tkompli tikteb aktar stejjer u ssaħħaħ in-numru ta’ kotba b’ilsien Malti.
