Jirritorna Sardinellu, il-karattru maġiku minn Ramon u Sardinellu
X’kien il-misteru fil-karta mitwija fil-kaxxa tas-sulfarini? Ta’ min kien in-numru tat-telefon fuq dik il-karta? Min kien xeħet fit-triq dik il-kaxxa bil-messaġġ?
Għaliex dik id-dar antika f’tarf ir-raħal kienet tissejjaħ “Id-Dar tal-Ħares”? X’kien il-misteru marbut ma’ dik id-dar? Min kienet dik it-tifla li kienet tkun waħidha fid-Dar tal-Ħares?
Veru li fid-Dar tal-Ħares kien hemm xi teżor moħbi? X’kellhom x’jaqsmu Ramon u Marisa mad-Dar tal-Ħares?
U Sardinellu fiex jidħol?
Carmel G. Cauchi
Carmel G. Cauchi hu msieħeb fl-Għaqda Poeti Maltin, fl-Għaqda tal-Malti (Università) u fl-Akkademja tal-Malti. Kien bosta drabi ppremjat f’konkorsi letterarji u ngħata fost l-oħrajn il-premju prestiġjuż Città di Valletta għall-poeżija fl-1986. Għal tliet darbiet ingħata t-trofew għall-aħjar skript oriġinali fil-Festival ta’ Drama għall-Iskejjel. Għal erba’ darbiet kien fost ir-rebbieħa tal-Premju Nazzjonali tal-Ktieb.
