Ktieb li juża l-font EasyReading, tipa b’leġġibbiltà faċli, ta’ għajnuna għal tfal bid-dislessja.
Il-Ħadd waranofsinhar, il-familja ta’ Samantha u dik tal-kuġini ltaqgħu għal ħarġa Kennedy Grove. Il-kuġini bdew jilagħbu noli, u mess lil Samantha ssib lill-oħrajn li kienu marru jistaħbew. Imma ma setgħet issib lil ħadd minnhom. Meta mbagħad ġew lura sabuha titkellem ma’ tifel liebes ilbies stramb.
X’kienu qed jagħmlu Ronnie u l-kuġini flok jilagħbu noli? Min kien dak il-ħabib ġdid ta’ Samantha? U x’ried mingħandhom?
Proġett kofinanzjat mill-Aġenzija Nazzjonali tal-Litteriżmu tal-Ministeru għall-Edukazzjoni u x-Xogħol
Carmel G. Cauchi
Carmel G. Cauchi hu msieħeb fl-Għaqda Poeti Maltin, fl-Għaqda tal-Malti (Università) u fl-Akkademja tal-Malti. Kien bosta drabi ppremjat f’konkorsi letterarji u ngħata fost l-oħrajn il-premju prestiġjuż Città di Valletta għall-poeżija fl-1986. Għal tliet darbiet ingħata t-trofew għall-aħjar skript oriġinali fil-Festival ta’ Drama għall-Iskejjel. Għal erba’ darbiet kien fost ir-rebbieħa tal-Premju Nazzjonali tal-Ktieb.
