-
Carmel G. Cauchi
Ramon kien imqareb daqs xadin u l-praspar kien jivvintahom. Kien joħloq biċċa għawġ wara l-oħra, l-aktar għall-imsejkna ommu. Daqqa jkissrilha xi vażun, daqqa jaqfilha barra u drabi oħra jxerrdilha ż-żejt jew iz-zokkor.
Darba waħda ddobba tliet żerrigħat kbar mingħand in-nannu Pinu. Kienu żerrigħat strambi, ta’ lewn aħmar bir-rigi suwed. Ramon fettillu jiżragħhom fil-ġnien bit-tama li jikbru f’siġar li jagħmlu frott speċjali. Għall-ewwel ebda waħda ma nibtet u Ramon qata’ qalbu u ma baqax isaqqihom iżjed.
Iżda mbagħad nibtet waħda minnhom, dik tan-nofs, u minn hawn bdiet ġrajja tassew kurjuża li bilkemm titwemmen!
X’kien hemm mhux tas-soltu f’dik ix-xitla stramba? Kien sema’ sew Ramon meta deherlu li x-xitla kienet kellmitu?
Kienet tassew xitla, jew xi ħaġa oħra?
U x’bidla kellha sseħħ fil-ħajja ta’ Ramon minħabba fiha?
