Studju kritiku dwar l-antoloġija Xemgħat ta’ Trevor Żahra
Dan il-ktieb huwa l-kumpann ideali għat-tnax-il storja mill-ktieb Xemgħat indirizzati fis-sillabu tal-Malti Avvanzat. L-istejjer ta’ Trevor Żahra spiss naqrawhom għall-gost, imma hemm differenza bejn qari għall-gost u qari bir-reqqa. Għalhekk studju bħal dan jgħin lill-istudenti jagħmlu din il-qabża; joffrilhom osservazzjonijiet analitiċi iżda wkoll l-għodod neċessarji biex jaqraw dawn in-novelli mill-qrib u jiżnuhom, jixtarruhom u jinternalizzawhom.
Jinkludi sezzjonijiet dwar:
• kif naqraw novella
• dwar in-novella
• l-istudju tat-tnax-il novella
• mistoqsijiet ġenerali għar-reviżjoni
• it-tabella tematika
• il-profil tal-karattri
• il-mappa tal-ideat
• il-komponiment letterarju
• it-titli u l-kwotazzjonijiet
Leanne Ellul
leanne ellul tgħallem il-Malti lil żgħażagħ kemxejn kbar. fejn tista’ tikteb b’ittri żgħar għax l-ittri kbar idejquha. ma tikolx annimali u meta ma tikolx il-kelba bil-bews tqatta’ ħafna ħin taqra, tirriċerka jew tikteb. il-kittieba b’xagħarha aħmar (kif kien qalilha darba xi ħadd) tħobb ir-ritratti bojod u suwed. iswed kif tħobb il-kafè. tikteb it-textbooks tikka malti ma’ clare azzopardi, u rebħet il-premju francis ebejer 2013, rebħet il-konkors rumanzi għaż-żgħażagħ 2014, kienet parteċipanta fil-bjennale 2015 u ħadet il-premju speċjali tal-premju tal-ktieb għall-aħjar kittieba emerġenti. bħalissa qed taħdem fuq il-poeżiji tagħha kif ukoll it-tieni rumanz għaż-żgħażagħ.leanneellul.netAra aktar
