Għal snin twal l-anġli baqgħu hemm … wieħed ħdejn l-ieħor … moħbija fid-dlam … jistennew sakemm xi ħadd fettillu jniżżel il-kwadru minn postu …
Min riedhom ma setax isibhom … min ma kellux f’moħħu li jiltaqa’ magħhom skopriehom u nġarr f’dinja ta’ avventura u qtigħ il-qalb.
Pierre J. Mejlak
Pierre J. Mejlak huwa magħruf l-aktar għall-antoloġija tiegħu Dak li l-Lejl Iħallik Tgħid (Having said goodnight), li biha rebaħ il-Premju Unjoni Ewropea għal-Letteratura fl-2014 u li ġa ġiet tradotta f’għaxar lingwi. Il-kitbiet tiegħu ispiraw sensiela televiżiva, film qasir u numru ta’ xogħlijiet teatrali. Fil-ħin liberu tiegħu, iħobb jilgħab it-table tennis u jemmen li t-top spins tiegħu għandhom potenzjal.
