Il-picture book klassiku tal-Milied Malti — issa f’edizzjoni ġdida qoxra ratba fl-10 anniversarju mill-ewwel pubblikazzjoni tiegħu
Meta l-Milied ma ġiex, Karl u Martina ħassewhom imdejqa. Xi ħaġa kien ġara biex waqa’ daqshekk dlam fuq kollox. Imma xiex?
Il-ġenituri nsew li l-25 ta’ Diċembru huwa Jum il-Milied. Imma għaliex? Tgħid il-Milied se jibqa’ ma jiġix fil-villaġġ ta’ Karl u Martina?
Clare Azzopardi
Wara 25 sena tgħallem il-letteratura Maltija, Clare Azzopardi ddeċidiet li titlaq kollox u tibda kapitlu ġdid. Ma tafx kemm se jkun twil dal-kapitlu, u lanqas jimpurtaha wisq dment li qed tiktbu hi. L-importanti li magħha hemm Albert, karattru importanti ħafna fl-istorja ta’ ħajjitha; l-importanti li hemm il-kotba tal-kittieba li tħobb (sintendi ma tistax iġġorrhom kollha, imma ġa ġarret ħafna); l-importanti li hemm is-siġar ħodor u kbar qishom ġganti; ir-russetti u ċ-ċikonji bla ebda biża’ li jaqilgħu tir; l-importanti li hemm is-skiet u ftit li xejn krejnijiet.
clareazzopardi.comritratt meħud minn Giola CassarAra aktar
