Mastru Gerfex qalbu tajba u ċajtier, u tassew maħbub f’Ħal Busbies.
Madankollu hemm ukoll min hu mqabbad miegħu daqs qarnita. Fosthom is-Surġent Sacco li jħobb isus warajh biex jaqbdu f’xi reat. U hemm Kaspru l-Amerikan li jgħir għalih u spiss jagħmillu xi sfida jew imħatra. Imma Mastru Gerfex makakk — dejjem jirbaħ hu u jħallihom b’xiber imnieħer. Hekk ġara:
• meta Kaspru ried jieħu ikla b’xejn minn restorant fejn il-wejter kien Mastru Gerfex,
• meta Kaspru ried iġiegħel lil Mastru Gerfex jiġbed id-daqna tas-Sindku,
• meta s-Surġent Sacco qala’ lil Gerfex minn kju u bagħtu wara nett.
U x’ġara meta x-xwejjaħ mar l-iskola, fil-klassi tan-neputijiet?
Carmel G. Cauchi
Carmel G. Cauchi hu msieħeb fl-Għaqda Poeti Maltin, fl-Għaqda tal-Malti (Università) u fl-Akkademja tal-Malti. Kien bosta drabi ppremjat f’konkorsi letterarji u ngħata fost l-oħrajn il-premju prestiġjuż Città di Valletta għall-poeżija fl-1986. Għal tliet darbiet ingħata t-trofew għall-aħjar skript oriġinali fil-Festival ta’ Drama għall-Iskejjel. Għal erba’ darbiet kien fost ir-rebbieħa tal-Premju Nazzjonali tal-Ktieb.
