-
Deborah Abela
“Kuraġġuża” (aġġettiv)
– qalbiena, bla biża’, x’aktarx ma taqta’ qalbha minn xejn
“Kellha tieħu deċiżjoni kuraġġuża biex taffaċċja l-beżgħat tagħha.”
India ma setgħetx torqod. Baqgħet iġġib quddiem għajnejha lil Philomena Spright fuq il-palk tippuntalha difirha miżbugħ aħmar jgħajjat, qed tgħidilha li tista’ tirbħa il-kompetizzjoni L-Ispettaklu Stupend Żanżan Kelma.
Tgħid veru?
Reġgħet ippruvat torqod imma ftakret fil-familja tagħha, kulħadd mgħaffeġ fis-salott, iċċassat lejha bit-tama li tgħid iva, li tidħol għal Żanżan Kelma.
Il-familja Wimple ilha għomor ma jkollha xi ħaġa eċitanti f’ħajjitha. India ħasbet ftit u mbagħad ħadet dik li nistgħu nirreferu għaliha biss bħala deċiżjoni kuraġġuża. X’aktarx l-ikbar deċiżjoni ta’ ħajjitha!
