Ninsabu fl-univers Urk, fejn hemm tifla jisimha Karolina li għandha missierha jinbidel xi drabi, u jsir xi ħadd li hi ma tafx …
Issa waslu l-vaganzi! U Karolina għandha eċitament kbir biex tmur lura d-dar fuq il-pjaneta Inkar, u hemmhekk terġa’ tara lill-mamà, lill-papà u lil ħuha ċkejken Remi. U l-ħabib tagħha Ferdi sejjer magħha!
Meta waslu iżda, skoprew li xejn ma kien se jkun kif xtaqu huma …
Proġett kofinanzjat mill-Aġenzija Nazzjonali tal-Litteriżmu
Audrey Friggieri
Ħafna ma jobsrux li Audrey Friggieri tikkomunika mas-saħħara personali tagħha fil-forma ta’ qattusa, tkellem lill-pjanti, taqra ossessivament u hi ffissata f’li tfittex teżori moħbija. Tħobb tgħum, timxi fix-xita, speċjalment ħdejn il-baħar, u tħares lejn is-sema ċar billejl bit-tama li jaslilha xi sinjal minn “hemm barra”. Spiss issibha b’tazza nbid f’idha, jew inkella tiġri jew tilgħab it-tennis. Imma temmen li kull tant żmien tajjeb li tagħmel xi ħaġa tal-biża’.
Clarissa Sammut Scerri hija lettriċi fid-Dipartiment tal-Istudji tat-Tfal u l-Familja fl-Università ta’ Malta. Hija psikologa, terapista tal-familja u systemic supervisor, kif ukoll tmexxi l-kors tal-Master fit-Terapija tal-Familja u Systemic Practice. Il-qasam tar-riċerka tagħha jinkludi l-impatt tal-vjolenza domestika fuq il-membri tal-familja, partikolarment kif it-tfal jiġu affettwati meta jkunu qed jgħixu f’realtà ta’ familja fejn hemm il-vjolenza domestika.
Clarissa ppreżentat ir-riċerka tagħha f’varji konferenzi lokali u internazzjonali fosthom il-Parlament Ewropew u l-Kunsill tal-Ewropa. Hija l-koawtriċi ta’ numru ta’ artikli kif ukoll il-ktieb “Intervening after violence: Therapy with couples and families” ma’ Arlene Vetere, Angela Abela u Jan Cooper.
Hija tħobb tintilef fin-natura, tqatta’ l-ħin mal-familja u mat-tlett iqtates u żewġt iklieb tagħha, tpinġi, tivvjaġġa u taqra.
Ritratt: The People of MaltaAra aktar
