Ktieb ta’ taħriġ il-fehem għar-raba’ sena tal-primarja
Kemm hawn stejjer sbieħ! Kollha friski friski qishom għadhom ħerġin mill-forn. Kalejdoskopju 4 jgħinek ittejjeb il-kapaċitajiet tiegħek tal-qari, tas-smigħ, tat-taħdit u tal-kitba. Ma’ kull silta se ssib għadd ta’ eżerċizzji li tkun tista’ taħdimhom fil-klassi jew id-dar, waħdek jew ma’ sħabek. Dawn l-eżerċizzji qegħdin hemm biex jgħinuk taħseb fuq dak li tkun qrajt.
Fost il-ħafna awturi ta’ dan il-ktieb għandek issib lil Trevor Żahra, Dunstan Hamilton, Adrian Grima, Loranne Vella, Vivian French u Lynne Reid Banks.
Clare Azzopardi
Wara 25 sena tgħallem il-letteratura Maltija, Clare Azzopardi ddeċidiet li titlaq kollox u tibda kapitlu ġdid. Ma tafx kemm se jkun twil dal-kapitlu, u lanqas jimpurtaha wisq dment li qed tiktbu hi. L-importanti li magħha hemm Albert, karattru importanti ħafna fl-istorja ta’ ħajjitha; l-importanti li hemm il-kotba tal-kittieba li tħobb (sintendi ma tistax iġġorrhom kollha, imma ġa ġarret ħafna); l-importanti li hemm is-siġar ħodor u kbar qishom ġganti; ir-russetti u ċ-ċikonji bla ebda biża’ li jaqilgħu tir; l-importanti li hemm is-skiet u ftit li xejn krejnijiet.
clareazzopardi.comritratt meħud minn Giola CassarAra aktar
