“Jien u Beppe qattajna sena nibagħtu l-emails lil xulxin. F’dawn l-emails qsamna l-ferħ tagħna, id-dwejjaq u l-biżgħat.
Lili jogħġbuni ċerti affarijiet u lil Beppe, li huwa awtistiku, jogħġbuh affarijiet oħra. Ġieli nibżgħu mill-istess ħaġa u ġieli le. Jien u Beppe għandna ħafna similaritajiet imma għandna wkoll ħafna differenzi.
Dan il-ktieb huwa tagħna. Tiegħi u ta’ Beppe. Ta’ Beppe u tiegħi.”
Proġett iffinanzjat mill-Ministeru għall-Inklużjoni, il-Volontarjat u d-Drittijiet tal-Konsumatur
Clare Azzopardi
Wara 25 sena tgħallem il-letteratura Maltija, Clare Azzopardi ddeċidiet li titlaq kollox u tibda kapitlu ġdid. Ma tafx kemm se jkun twil dal-kapitlu, u lanqas jimpurtaha wisq dment li qed tiktbu hi. L-importanti li magħha hemm Albert, karattru importanti ħafna fl-istorja ta’ ħajjitha; l-importanti li hemm il-kotba tal-kittieba li tħobb (sintendi ma tistax iġġorrhom kollha, imma ġa ġarret ħafna); l-importanti li hemm is-siġar ħodor u kbar qishom ġganti; ir-russetti u ċ-ċikonji bla ebda biża’ li jaqilgħu tir; l-importanti li hemm is-skiet u ftit li xejn krejnijiet.
clareazzopardi.comritratt meħud minn Giola CassarAra aktar
Beppe Caruana
Beppe Caruana hu tfajjel awtistiku li joħlom li xi darba sseħħ il-veru inklużjoni f’Malta. Jemmen li għandu jaħdem biex tinħoloq aktar kuxjenza kontra d-diskriminazzjoni ta’ persuni b’diżabbiltà. Għandu namra għall-kotba tat-tfal li jitkellmu kontra l-inġustizzji, u jħobb l-ikel, l-għawm u s-safar. Ara aktar
