Is-sensiela dwar l-inimitabbli Jake Cassar u d-dinjiet maġiċi kollha
Mhux faċli li noqgħod inkanta meta jien ma nafx inkanta, imma hekk talabni nagħmel Teodoro u jien hekk għamilt. Ir-Reġina Fidelja dejjem jirnexxilha taqra l-ħsibijiet ta’ kulħadd imma din id-darba mhix se tirbaħ. Għax il-pjan ta’ Teodoro huwa wieħed mill-aqwa. U aqta’ xiex? Iriduni nsir ambaxxatur. Lanqas biss naf xi tfisser aħseb u ara kemm se nservi ta’ ambaxxatur! – Jake
It-tmien ktieb f’dis-sensiela għal qarrejja żgħar
Clare Azzopardi
Wara 25 sena tgħallem il-letteratura Maltija, Clare Azzopardi ddeċidiet li titlaq kollox u tibda kapitlu ġdid. Ma tafx kemm se jkun twil dal-kapitlu, u lanqas jimpurtaha wisq dment li qed tiktbu hi. L-importanti li magħha hemm Albert, karattru importanti ħafna fl-istorja ta’ ħajjitha; l-importanti li hemm il-kotba tal-kittieba li tħobb (sintendi ma tistax iġġorrhom kollha, imma ġa ġarret ħafna); l-importanti li hemm is-siġar ħodor u kbar qishom ġganti; ir-russetti u ċ-ċikonji bla ebda biża’ li jaqilgħu tir; l-importanti li hemm is-skiet u ftit li xejn krejnijiet.
clareazzopardi.comritratt meħud minn Giola CassarAra aktar