Is-sensiela dwar l-inimitabbli Jake Cassar u d-dinjiet maġiċi kollha
Naħseb li din hija l-aħħar storja li se nirrakkontalek. L-aħħar battalja, l-aħħar avventura. X’aktarx li hija wkoll l-iktar waħda li se ssammrek mas-siġġu. Int qatt rajt mostru kbir ħafna? Qatt iġġilidt b’xabla tqila? F’dan il-ktieb se jkolli niġġieled lill-mostru tal-ilma, lill-Isturduti u fuq kollox lir-Reġina Fidelja. Imma miegħi se jkolli ħafna ħbieb jgħinuni. – Jake
L-għaxar u l-aħħar ktieb f’dis-sensiela għal qarrejja żgħar
Clare Azzopardi
Wara 25 sena tgħallem il-letteratura Maltija, Clare Azzopardi ddeċidiet li titlaq kollox u tibda kapitlu ġdid. Ma tafx kemm se jkun twil dal-kapitlu, u lanqas jimpurtaha wisq dment li qed tiktbu hi. L-importanti li magħha hemm Albert, karattru importanti ħafna fl-istorja ta’ ħajjitha; l-importanti li hemm il-kotba tal-kittieba li tħobb (sintendi ma tistax iġġorrhom kollha, imma ġa ġarret ħafna); l-importanti li hemm is-siġar ħodor u kbar qishom ġganti; ir-russetti u ċ-ċikonji bla ebda biża’ li jaqilgħu tir; l-importanti li hemm is-skiet u ftit li xejn krejnijiet.
clareazzopardi.comritratt meħud minn Giola CassarAra aktar
