Is-sensiela dwar l-inimitabbli Jake Cassar u d-dinjiet maġiċi kollha
Meta tinkiser il-boċċa tal-ħġieġ li fiha ma jkun hemm ħadd ħlief ir-Reġina Fidelja, kulħadd jibda jixjieħ u r-Re Pankrazju, ir-Re Fellambrożja, ir-Re Vonxkup, Teodoro u Furun jinqaflu kollha fil-kuruna li r-Re tani meta sirt ambaxxatur. Jien, Ambrożja, Defdemola u Qamri nibqgħu barra biex insalvaw ir-renji kollha maħkuma mir-Reġina. Imma hekk kif inkun se nieħu l-likwidu speċjali biex niġġieled il-ħażen, titfaċċa l-mamà. – Jake
Id-disa’ ktieb f’dis-sensiela għal qarrejja żgħar
Clare Azzopardi
Wara 25 sena tgħallem il-letteratura Maltija, Clare Azzopardi ddeċidiet li titlaq kollox u tibda kapitlu ġdid. Ma tafx kemm se jkun twil dal-kapitlu, u lanqas jimpurtaha wisq dment li qed tiktbu hi. L-importanti li magħha hemm Albert, karattru importanti ħafna fl-istorja ta’ ħajjitha; l-importanti li hemm il-kotba tal-kittieba li tħobb (sintendi ma tistax iġġorrhom kollha, imma ġa ġarret ħafna); l-importanti li hemm is-siġar ħodor u kbar qishom ġganti; ir-russetti u ċ-ċikonji bla ebda biża’ li jaqilgħu tir; l-importanti li hemm is-skiet u ftit li xejn krejnijiet.
clareazzopardi.comritratt meħud minn Giola CassarAra aktar
