X’setgħat kbar kellha s-Sultana Arapuxka, bix-ximitarra tal-fidda f’idejha?
X’jiġri meta x-xjaten jiddeċiedu li jagħmlu festa?
X’kien qed jagħmel il-Qattus, miexi mal-funeral?
Min kienu s-sitt tfajliet bil-bżieżaq marbutin ma’ xagħarhom?
X’jiġri meta tfajla sabiħa titnissel minn qargħa ħamra?
F’dawn ir-rakkonti, adattati minn fost l-aqwa ħrejjef mid-dinja, Mario Azzopardi jiftaħ l-aptit tal-qarrejja għal ħafna fantasija. Juża stil li jista’ jkun applikat faċilment f’sens teatrali. Imma fuq kollox, f’dawn l-istejjer hemm il-valuri u d-dgħufija tal-bnedmin maqbudin f’sitwazzjonijiet tassew strambi.
Mario Azzopardi
Mario Azzopardi (1944-2022) huwa wieħed fost l-aqwa ulied letterarji ta’ Malta: poeta, kittieb, kritiku tal-arti, direttur teatrali. Kien fost il-fundaturi tal-Moviment Qawmien Letterarju fl-1967, u kien il-pijunier tal-letteratura avangardista f’Malta. Awtur prolifiku u maħbub minn udjenza u kritika, tul ħajtu pproduċa wkoll xogħlijiet għall-palk, għar-radju, għat-televiżjoni, mexxa l-Malta Drama Centre u għal snin twal kien artikolist f’diversi ġurnali u gazzetti.
[ addattata mid-Directory of Maltese Writers tal-HELA ]Ara aktar
