Storja tal-Milied b’differenza, ktieb bl-istampi li ma jistax jonqos f’kull dar Maltija bit-tfal.
Santa Klaws qam ma jiflaħx u ma setax imur iqassam ir-rigali. Allura floku marret is-Sinjura Klaws. In-nebbiexa kellhom iħitu libsa apposta għaliha u jgħallmuha ħafna affarijiet oħra … Lejlet il-Milied, is-Sinjura Klaws qabdet l-ixkora bir-rigali, il-lista tat-tfal u telqet.
Wara li qassmet ir-rigali kollha, indunat li t-tfal mhux kollha kienu fil-lista. X’seta’ ġara? Tgħid għaliex? Qagħdu psataż u mqarbin?
Clare Azzopardi
Wara 25 sena tgħallem il-letteratura Maltija, Clare Azzopardi ddeċidiet li titlaq kollox u tibda kapitlu ġdid. Ma tafx kemm se jkun twil dal-kapitlu, u lanqas jimpurtaha wisq dment li qed tiktbu hi. L-importanti li magħha hemm Albert, karattru importanti ħafna fl-istorja ta’ ħajjitha; l-importanti li hemm il-kotba tal-kittieba li tħobb (sintendi ma tistax iġġorrhom kollha, imma ġa ġarret ħafna); l-importanti li hemm is-siġar ħodor u kbar qishom ġganti; ir-russetti u ċ-ċikonji bla ebda biża’ li jaqilgħu tir; l-importanti li hemm is-skiet u ftit li xejn krejnijiet.
clareazzopardi.comritratt meħud minn Giola CassarAra aktar
