It-tieni misteru għal investigatur ġdid fil-letteratura Maltija għat-tfal: Irvin Vella
Żmien il-Milied. L-aħbarijiet iddominati minn għadd ta’ serqiet li fihom ma nsteraq xejn. Taħbila irreżistibbli għal Irvin Vella u l-ajjutanti tiegħu …
John A. Bonello
John A. Bonello twieled f’lejl ta’ qamar kwinta fl-istess sena li George Lucas beda jaħdem fuq l-ewwel film ta’ Star Wars. Fost il-kotba li kiteb hemm it-triloġija Il-Logħba tal-Allat, id-duoloġija għall-adulti Unus Mundus, u s-sensiela għat-tfal Irvin Vella: Investigatur Virtwali. Rebaħ il-Premju Nazzjonali tal-Ktieb ħames darbiet, għandu fekruna jisimha Yoda u meta jikber jixtieq irabbi dachshund u jsemmih Dog. Jgħix biex jikteb u jikteb biex jgħix.
