Il-karattru tant maħbub ta’ Imeldina jirritorna bit-tielet storja ġdida għat-tfal iż-żgħar
Kull filgħodu fi triqitha lejn l-iskola, Imeldina tgħaddi minn Triq is-Seħer. Tgħaddas rasha, tgħaġġel u ma titlaqx id il-mamà. Dan x’kien? Mhux soltu tagħha Imeldina. Jidher li hemm xi ħaġa qed tinkwetaha ħafna ħafna, tant li lanqas billejl mhi torqod sew …
Sandra Hili Vassallo
Sandra Hili Vassallo twieldet fl-1968. Ħadmet fil-korp diplomatiku f’New York u kienet ukoll direttur fis-servizz pubbliku. Preżentement taħdem bħala uffiċjal legali u tgħallem il-liġi tal-familja l-Università ta’ Malta. Sandra għandha interess partikolari fil-ġustizzja soċjali u d-drittijiet tar-refuġjati. Tgħix mar-raġel u ż-żewġt ibniet tagħhom f’Santa Venera. Meta ma tkunx qed taħdem (jew tikteb) tħobb ħafna l-baħar, ix-xita, il-ġelati, il-mużika u l-kotba.
