Ġorġ u Lino kienu qed jgħaddu vaganzi mill-isbaħ fit-torri tan-nannu Indrin, iżda l-ġrajja tal-pulena qanqlitilhom kurżità kbira wisq! U l-għaliex dak Żaru l-Għakkar kien dejjem idur warajhom?! U l-għaliex in-nannu ma kienx iridhom jersqu lejn l-għerien?
Trevor Żahra
Trevor Żahra fettillu jitwieled fis-16 ta’ Diċembru 1947. Ma nafux jekk hux veru li kiteb l-ewwel rumanz tiegħu meta kellu xahrejn! Hu x’inhu, aktar faċli tipprova ssib x’ma kitibx, milli x’kiteb: stejjer għat-tfal, workbooks, poeżiji, rumanzi, novelli, drammi, monologi. U x’ma pinġiex? Biżżejjed insemmu Stampakelma li għalih pinġa ’l fuq minn elf stampa. S’issa diġà għandu kotba ppubblikati Franza, ir-Russja u n-Norveġja. trevorzahra.com
