Iz-zija Marija riedet tgħid li kulma ġara kien miraklu. Iz-ziju Peter beda jwaħħal fiz-zija. Il-papà ried li jdaħħlu ’l-pulizija fin-nofs. Iz-ziju Flynn kien dejjem isefsef f’widnejn iz-ziju Peter. X’kienet il-verità? X’sar minnha l-ġiżirana?
Trevor Żahra
Trevor Żahra fettillu jitwieled fis-16 ta’ Diċembru 1947. Ma nafux jekk hux veru li kiteb l-ewwel rumanz tiegħu meta kellu xahrejn! Hu x’inhu, aktar faċli tipprova ssib x’ma kitibx, milli x’kiteb: stejjer għat-tfal, workbooks, poeżiji, rumanzi, novelli, drammi, monologi. U x’ma pinġiex? Biżżejjed insemmu Stampakelma li għalih pinġa ’l fuq minn elf stampa. S’issa diġà għandu kotba ppubblikati Franza, ir-Russja u n-Norveġja. trevorzahra.com
