L-ewwel ġabra ta’ stejjer għall-kbar ta’ Clare Azzopardi
“Jekk se taqra dan il-ktieb lesti ruħek: f’dawn l-istejjer il-familjari jsir stramb, u l-istramb isir tant familjari. Clare Azzopardi se ddaħħlek fi mkejjen fejn mhux suppost tittawwal.” – Immanuel Mifsud
“Il-kitba ta’ Clare Azzopardi ma tafx b’kompromessi. Hija stramba daqskemm attwali; minn aggressur spiss tisfa vittma. Il-linja l-ħadra f’salt issir linja ħamra bil-qilla u r-rabja, imma dejjem tbaqbaq bl-awtentiċità. U dan għadu biss il-bidu!” – Trevor Żahra
Clare Azzopardi
Wara 25 sena tgħallem il-letteratura Maltija, Clare Azzopardi ddeċidiet li titlaq kollox u tibda kapitlu ġdid. Ma tafx kemm se jkun twil dal-kapitlu, u lanqas jimpurtaha wisq dment li qed tiktbu hi. L-importanti li magħha hemm Albert, karattru importanti ħafna fl-istorja ta’ ħajjitha; l-importanti li hemm il-kotba tal-kittieba li tħobb (sintendi ma tistax iġġorrhom kollha, imma ġa ġarret ħafna); l-importanti li hemm is-siġar ħodor u kbar qishom ġganti; ir-russetti u ċ-ċikonji bla ebda biża’ li jaqilgħu tir; l-importanti li hemm is-skiet u ftit li xejn krejnijiet.
clareazzopardi.comritratt meħud minn Giola CassarAra aktar
“She gives us pictures of a young society living often on the razor’s edge and having precarious relations with the elders of that society. It is a picture that is often grey or even black, but the vigour of the writing and the faceted structure of the stories prevent the readers from ever getting depressed.”— Paul Xuereb, The Sunday Times
“Ms Azzopardi, quite possibly the most important female prose writer in the history of Maltese literature (…) definitely has a way with words: some of the metaphors she uses linger long after you finish the book.”— Ġużè Stagno, Times of Malta
“Frank and confrontational.”— Gilbert Calleja, Malta Today
“Clare Azzopardi qed tikteb il-lingwa letterarja bil-Malti mill-ġdid. U proprju għaliex il-letteratura Maltija tafha sew, u tirrispettaha u tħobbha, ix-xogħlijiet tagħha mhumiex riproduzzjoni tal-aħjar kitbiet li għandna, jew ritorn lejn letteratura li għadda żmienha mitt sena ilu, imma kontribut intelliġenti u frisk, minkejja li jista’ jidher irreverenti.”— Adrian Grima, Il-ĠENSillum
“Lokalment, Clare Azzopardi tista’ tinkwadra ruħha fil-messa in xena tal-iskumdità u r-rabja. L-istejjer tagħha huma distanti mill-pijunieri tal-letteratura moderna femminista.”— Mario Azzopardi, Il-Mument
STAMPAT
eBOOK
