About This Book
It-tieni ktieb fit-triloġija ġdida Ruxxmata Kreaturi
Imsieken Nadja u Antonin u l-bqija tal-familja; bilkemm għad kellhom ħin jieħdu nifs wara l-attakk tal-Imħalla li ma tasalx l-invażjoni tal-Imniefaħ f’dan it-tieni ktieb tar-Ruxxmata Kreaturi.
Avventura mostruża ġdida għall-familja Borg u din id-darba għar-raħal kollu tagħhom. Misterjuż il-fatt li l-mostru taħt is-sodda jrid ikaxkar miegħu lil Nadja u mhux lil ħaddieħor! Storja mimlija b’affarijiet strambi bħall-boċċa tal-ħġieġ li tixgħel, il-fjura maġika t’għajn il-jum li tbiddel il-kuluri, is-siġar li jafu jsiru aggressivi, iċ-ċiklun ġo barmil, l-Ulied tal-Ħamrija, il-gawwi tal-mewt, is-sala tal-inspjegabbli … u l-ewwel lemħa vera tar-ruxxmata kreaturi li hemm ħerqana biex joħorġu mid-dinja tan-naħa l-oħra.
Bħall-Imħalla, il-Mostru tal-Imniefaħ huwa kreatura tal-qedem li ħadd ma jaf mnejn ġie jew kemm ilu jeżisti. Għalkemm ftit huma n-nies li rawh, kulħadd jaf bih. Il-Mniefaħ huwa kreatura waħda kbira jew miljuni ta’ kreaturi żgħar? Kull ċellola ta’ din il-kreatura hija indipendenti u tista’ toħloq Imniefaħ ġodda, iżda meta jingħaqdu kollha flimkien jiffurmaw mostru li donnu m’hemmx limitu kemm jista’ jikber. Minn kemm ilhom jiftakru l-iżjed nies xjuħ tar-raħal, il-Mostru tal-Imniefaħ minn dejjem kien jeżisti. Ommijiethom u nanniethom kienu javżawhom biex dejjem jikinsu taħt is-sodda bir-reqqa u l-iktar irkejjen moħbija tad-dar għax hemm jitrabbew l-Imniefaħ, u jekk ikollok l-Imniefaħ fid-dar, setgħu jkaxkruk magħhom dritt lejn l-infern. L-aħjar ħaġa li tista’ tagħmel hi li taħrabhom malli tarahom ġejjin. Wieħed ovvjament irid jispera li jilħaq jarahom ġejjin qabel ma jaslu u jaqbżu fuqu. Stejjer antiki dawn, hawn min jemminhom u hawn min le. Imma l-Imniefaħ ma jimpurtahomx jekk bniedem ikunx jemmen fihom jew le, huma ma jiddiskriminawx, jibilgħu u jkaxkru lil kull min isibu quddiemhom. L-ewwel ktieb fit-triloġija ssibuh hawn.
Bħall-Imħalla, il-Mostru tal-Imniefaħ huwa kreatura tal-qedem li ħadd ma jaf mnejn ġie jew kemm ilu jeżisti. Għalkemm ftit huma n-nies li rawh, kulħadd jaf bih. Il-Mniefaħ huwa kreatura waħda kbira jew miljuni ta’ kreaturi żgħar? Kull ċellola ta’ din il-kreatura hija indipendenti u tista’ toħloq Imniefaħ ġodda, iżda meta jingħaqdu kollha flimkien jiffurmaw mostru li donnu m’hemmx limitu kemm jista’ jikber. Minn kemm ilhom jiftakru l-iżjed nies xjuħ tar-raħal, il-Mostru tal-Imniefaħ minn dejjem kien jeżisti. Ommijiethom u nanniethom kienu javżawhom biex dejjem jikinsu taħt is-sodda bir-reqqa u l-iktar irkejjen moħbija tad-dar għax hemm jitrabbew l-Imniefaħ, u jekk ikollok l-Imniefaħ fid-dar, setgħu jkaxkruk magħhom dritt lejn l-infern. L-aħjar ħaġa li tista’ tagħmel hi li taħrabhom malli tarahom ġejjin. Wieħed ovvjament irid jispera li jilħaq jarahom ġejjin qabel ma jaslu u jaqbżu fuqu. Stejjer antiki dawn, hawn min jemminhom u hawn min le. Imma l-Imniefaħ ma jimpurtahomx jekk bniedem ikunx jemmen fihom jew le, huma ma jiddiskriminawx, jibilgħu u jkaxkru lil kull min isibu quddiemhom. L-ewwel ktieb fit-triloġija ssibuh hawn.
ISBN: 9789918240111
Illustrator: José Luís Ocaña
Publication Date: 2022
Page Count: 334
