Pawlu qam maħsud.
“X’qed jiġri hemm barra?”
Ħares mit-tieqa tal-kamra tas-sodda u nduna x’ġara. “Id-dar ta’ quddiemna!” għajjat Pawlu.
Xita ta’ ġebel mitfugħ b’saħħa għal ġol-kaxxa tat-trakk.
Id-dar ta’ faċċata qed taqa’.
X’għadda minn moħħ Pawlu, jara trakk wara l-ieħor iġorr il-memorji tad-dar tal-palma? Pawlu ma waqafx jistaqsi.
Dik hi r-realtà għal ħafna minna hawn Malta – bini, kostruzzjoni, twaqqigħ, trabijiet u storbju. U x’qed nordmu, flimkien mal-beraħ? Il-memorji ta’ tfulitna, Malta li kienet u s-sens tat-triq u tal-komunità. Storja maħsuba bħala stimolu għall-ħsieb kritiku mat-tfal mill-Prof. Carmel Borg.
