Picture book li żgur qatt ma rajtu bħalu: kollaborazzjoni bejn l-awtriċi Clare Azzopardi u l-illustratur Derek Fenech
Hemm ftit minnhom
għandhom tikka,
hemm xi ftit li din m’għandhomx,
hemm oħrajn taqtgħalhom rashom,
u ssib oħra mingħajr ħoss.
Ġużeppina taf biss nofshom …
U int?
Ġużeppina flimkien ma’ oħtha Katarina se jdaħħluk fid-dinja fantastika tal-alfabett.
Clare Azzopardi
Wara 25 sena tgħallem il-letteratura Maltija, Clare Azzopardi ddeċidiet li titlaq kollox u tibda kapitlu ġdid. Ma tafx kemm se jkun twil dal-kapitlu, u lanqas jimpurtaha wisq dment li qed tiktbu hi. L-importanti li magħha hemm Albert, karattru importanti ħafna fl-istorja ta’ ħajjitha; l-importanti li hemm il-kotba tal-kittieba li tħobb (sintendi ma tistax iġġorrhom kollha, imma ġa ġarret ħafna); l-importanti li hemm is-siġar ħodor u kbar qishom ġganti; ir-russetti u ċ-ċikonji bla ebda biża’ li jaqilgħu tir; l-importanti li hemm is-skiet u ftit li xejn krejnijiet.
clareazzopardi.comritratt meħud minn Giola CassarAra aktar
