About This Book
Rumanz rebbieħ fil-Konkors ta' Kitba - Letteratura għaż-Żgħażagħ 2014, imniedi mill-Kunsill Nazzjonali tal-Ktieb flimkien mal-Aġenzija Żgħażagħ
"Iċ-ċikkulata, dnub. Anke l-luminata, dnub. Għax id-droga mhux it-trab abjad biss. Ħafna ħin fuq l-internet, dnub. Jekk ma tfittixnix, dnub. Ħafna ħin barra mid-dar, dnub. L-ikel, dnub. L-ikel dnub. Kollox jista' jkun dnub."
Analiża għandha erbatax-il sena, u minn tal-inqas erbatas-il kilogramma żejda. Missierha kollu arja u ommha l-iċken kas. Imnalla jidħlu f'ħajjitha Daniel u Pappa. U Markita u n-nanna, ovvjament. Dawk dejjem hemm. Bħalma hu dejjem hemm ix-xaħam. L-ikel favorit t'Analiża l-arja (mhux minn ta' missierha). Tikolha mal-qiegħ taż-żarbun meta tmur timxi, iktar minn darba kuljum. Li tista' Analiża, lanqas tixrob, għax l-ilma kapaċi jneffaħ. Jekk tibki, tgħid, tonqos gramma?
MERLIN RECOMMENDS
-
Add to cartThe product is already in the wishlist! Browse Wishlist
