Shop

  • img-book

    Tyrone Grima

Sale!

Frammenti

by : Tyrone Grima

11.95

Sizzling Summer Offer!

Spend €10 and get 10% off

Spend €20 and get 20% off

Spend €30+ and get 30% off

(excluding textbooks and soft toys)

Quantity:
ISBN: 9789990919585
Category:
Cover: paperback
Age: adults
Publication Date : 2021
Page Count : 160
Finalist tal-Premju Nazzjonali tal-Ktieb Immaġina li qomt filgħodu u d-dinja ta’ madwarek ma baqgħetx kif kienet. Anzi, id-dinja ta’ madwarek ma baqgħetx hemm. Kulħadd telaq … karozzi, nies, annimali. X’tagħmel kieku? Hekk ġralu l-protagonist ta’ Frammenti. Stenbaħ biex imur għax-xogħol kif dejjem kien jagħmel. Imma din id-darba, malli ħareġ minn daru, sab baħħ. X’seta’ ġara? Kif kollox għeb? Sa ma sab lil Sophie — forsi l-unika persuna li kien għad fadal.   Proġett kofinanzjat mill-Fond tal-Ktieb tal-Kunsill Nazzjonali tal-Ktieb
Tyrone Grima is a lecturer in the Performing Arts at MCAST and a theatre practitioner. He is very interested in queer literature and theatre, as well as the interface between spirituality and the arts. Apart from writing and directing plays, Tyrone loves eating (to a shameful degree, particularly expired food) and travelling. He lives in Gudja, together with his husband and their three mad cats, but does his very best to prevent them from eating roaches which he absolutely loves.
View Profile

“Fil-qofol tiegħu, laqatni sew għal-kontroll tat-teknika tar-rakkont, fejn l-elementi kollha huma marbutin u konnessi f’għanqbuta maħsuba ta’ tifsiriet, imma wkoll għar-riflessjoni mhux tas-soltu dwar, aktar milli l-imħabba, tmiemha u l-qsim il-qalb li jġib miegħu. Esperjenza umana li faċilment tista’ titwassal b’pathos li ma jinfidx fil-qalba tal-kwistjoni, imma Frammenti jmur lil hinn minn dan biex jesplora l-vjaġġ, modern fil-preokkupazzjoni tiegħu iżda antik daqs l-ewwel bniedem li qatt ħass u ħabb, ta’ min irid jagħmel sens mill-waqgħa sabiex jerġa’ jqum u jkompli miexi.”
— reċensjoni minn Mark Vella fl-Illum, Bejnna u bejn ruħna

 

“Dan il-ktieb hu l-ewwel ktieb li m’għandix (jew għandi ħafna) ħsibijiet għalih u li ma nistax inpoġġihom fi kliem. Ili sigħat nipprova nikteb xi ħaġa u ma nistax. Storja li tassew missitni minn ġewwa u ħatfitni fis-seħer kollu tagħha. Ktieb li minkejja fil-prologu stess l-awtur qalli biex ninsieha u ma nistaqsix mistoqsijiet oħra għax huma biss frammenti, imma fil-fatt ma nistax nagħmel mod ieħor. Ħarbatni. Storja li baqgħet miegħi, emozzjonatni, beżżgħatni, ħawditni u ħallietni vulnerabbli quddiem din il-kitba.

Din l-istorja teħodna pass pass ma’ personaġġ mingħajr ma jikxef l-identità tiegħu, li jqum bħas-soltu fir-rutina tiegħu biex imur għax-xogħol u jgħix il-ħajja normali bl-attitudnijiet normali tas-soltu. Sakemm jirrealizza li qiegħed waħdu. Li Malta kienet waqfet u ma fadal xejn normali. In-nies sparixxew, ir-rutina ta’ kuljum waqfet, it-traffiku waqaf u baqa’ biss hu u l-emozzjonijiet tiegħu. Din id-darba malli ħareġ mill-bieb ta’ barra kulma sab vojt u skiet. Skiet li joqtol u li jinkiser biss bil-ħsibijiet u l-emozzjonijiet ta’ dan il-persunaġġ.

Din l-istorja teħodna f’rotot differenti, fi tlugħ u nżul, fejn l-unika persuna li kien għad fadal apparti hu kienet Sophie. Li anke hi bl-emozzjonijiet u l-vulnerabbiltà kollha tagħha twassalhom biex jiltaqgħu flimkien.
Ma nistax nelabora wisq fuq l-istorja, il-kliem u l-ħsibijiet li ħalla fija ma jippermettulix. Inkun prużuntuża jekk ngħid l-opinjoni tiegħi mingħajr ma nħalli lilek taqrah qabel. Imma li nista’ ngħid li hija ambjentata fuq l-erba’ staġuni fejn il-protagonist jagħmel vjaġġ twil b’ħafna memorji. Memorji ta’ persuna li ħabb, David. Memorji msawrin b’ħafna emozzjonijiet li neżża’ l-karattru tagħna minn kull tip ta’ pretenzjoni u ħallieh vulnerabbli u maqtugħ minn kulħadd. It-tmiem ma kien tmiem xejn u ħallieni b’ħafna mistoqsijiet. Ktieb rakkomandat ħafna! Grazzi ħafna Merlin u Tyrone!”
— reċensjoni minn Once Upon a Maltese Reader, fuq Facebook u Instagram
“Dan huwa rumanz ta’ ftit iktar minn 150 paġna li jintrabat mal-qasam tal-letteratura gay. Jinqara malajr u dan żgur mhux difett imma preġju fuq livell stilistiku. Fil-Prologu, in-narratur jindirizza lill-qarrej u jsejjaħ dan ix-xogħol ‘Frammenti ta’ ħsibijiet. Frammenti ta’ storja.’ Hu rakkont li għandu mill-ġeneru post-apokalittiku u jista’ jfakkar f’The Road ta’ Cormac McCarthy ladarba hawn naqraw dwar vjaġġ spazjo-temporali f’dinja differenti ħafna minn dik li nafu biha. Isseħħ bidla estrema bħal dik li seħħet fil-Metamorfosi Kafkeska, anki għax minn jum partikolari ’l quddiem il-ħajja tal-protagonist ma tibqax l-istess. Għal xi żmien ikun hemm żewġ sopravissuti; hemm imgħoddi li jostor misteri u trawmi partikolari; ġrieħi u tiftix għall-fejqan; spazji abitati minn iħirsa u tifkiriet; partijiet li għandhom mill-ħolm u mill-ħmar il-lejl; relazzjoni mhux faċli mal-missier; siltiet u deskrizzjonijiet li għandhom mill-koreografija teatrali; il-baħar bħala mottiv rikurrenti; il-baħħ u l-vojt bħala protagonisti inviżibbli imma solidi; diskors sagru li jissawwab ma’ ieħor profan għall-aħħar; drabi oħra l-appell għas-sensi jintrabat mal-element senswali u erotiku. Kollox jgħin biex dan ix-xogħol jinqara f’nifs wieħed.”
— Reċensjoni ta’ Patrick J Sammut f’Il-Pont Nru 64 (Diċembru 2021)
View Pdf