Il-karattru ikoniku ta’ Fra Mudest, addattat għal ġenerazzjoni ġdida ta’ tfal
Il-figolli li kienet tagħmel Mariroż kienu magħrufin għat-tjubija tagħhom … u fuq kollox kienu orħos minn tas-Sur Ġiġinu. Bħalma kienet tagħmel kull sena, f’Ħadd il-Għid, Mariroż lil Fra Mudest tatu żewġ figolli: waħda għalih u l-oħra għall-Pirjol.
Il-figolla għall-Pirjol dis-sena kienet forma ta’ kelb.
Imma Fra Mudest ma setax jifhem kif dik il-figolla nbidlet f’forma t’għasfur!
Ktieb li juża l-font EasyReading, tipa b’leġġibbiltà faċli, ta’ għajnuna għal tfal bid-dislessja.
Charles Casha
Charles Casha kittieb prolifiku Ii beda jikteb fil-bidu tas-sittinijiet. Fl-1967 ħoloq Fra Mudest, mequs bħala ikoniku fil-letteratura Maltija. Fil-kitba għat-tfal Casha għaqqad iż-żewġ kompetenzi (għalliem u awtur) biex ta kontribut kbir f’dan il-ġeneru. Fil-kitba għall-adulti jispikka l-element soċjali fejn il-karattri jirriflettu t-tiġrib personali u kollettiv. Il-poeżiji tiegħu huma konċiżi, b’diversi temi, fosthom l-ispiritwalità, l-eżistenza u l-imħabba. “F’għeluq snini nibni sular ieħor fuq it-Torri ta’ Pisa.” Ara aktar
