Il-karattru ikoniku ta’ Fra Mudest, addattat għal ġenerazzjoni ġdida ta’ tfal
Fra Mudest, il-Pirjol, Ġanni l-kok u landa biċ-ċagħaq. Praspura oħra li Fra Mudest sab ruħu fiha — kollu ħtija tal-felula li fettlilha tikber fuq il-widna l-leminija tal-Pirjol!
Kollox kien miexi ħarir sakemm indaħal fin-nofs Fra Mudest u hemm bdew il-problemi.
Għax kif jgħidu: Il-pjaċir mhux mitlub, nofsu mitluf!
Ktieb li juża l-font EasyReading, tipa b’leġġibbiltà faċli, ta’ għajnuna għal tfal bid-dislessja.
Charles Casha
Charles Casha kittieb prolifiku Ii beda jikteb fil-bidu tas-sittinijiet. Fl-1967 ħoloq Fra Mudest, mequs bħala ikoniku fil-letteratura Maltija. Fil-kitba għat-tfal Casha għaqqad iż-żewġ kompetenzi (għalliem u awtur) biex ta kontribut kbir f’dan il-ġeneru. Fil-kitba għall-adulti jispikka l-element soċjali fejn il-karattri jirriflettu t-tiġrib personali u kollettiv. Il-poeżiji tiegħu huma konċiżi, b’diversi temi, fosthom l-ispiritwalità, l-eżistenza u l-imħabba. “F’għeluq snini nibni sular ieħor fuq it-Torri ta’ Pisa.” Ara aktar
