-
Carmel G. Cauchi
Betta Trombetta hija tifla fuq ruħha minn Ħal Faqqus. L-istudju ma tħobbux iżda, għal fejn jaqblilha, taf tħaddem rasha sew. Jekk taħbat difrek magħha għid li mhix se tħallihielek ħelwa għal melħa. Tħobb tfattarha kif tiġiha f’rasha, u minħabba f’hekk toħloq praspura wara l-oħra.
X’ġara meta Betta ppruvat tfejjaq is-sulluzzu tas-Sindku?
Kif spiċċa l-kejk tal-Milied meta Betta tħajret tgħin in-nanna tagħmlu?
X’ġara meta l-kelb ta’ Lorry xarrab ir-rota tal-karozza tal-papà ta’ Betta?
Kif spiċċat l-affari meta Betta twebblet biex tmur man-nanniet tara play dwar Charlie Chaplin?
X’għadda mingħala Sina wara li kissret apposta tliet bajdiet tal-papri li Betta kienet ġabet mir-razzett ta’ Rokku?
U x’ġara meta Betta għamlet imħatra ma’ Sina li tħabbel xagħar is-Sindku?
Dan u iżjed issiru tafuh intom u taqraw l-għaxar praspar ta’ Betta Trombetta miġbura f’dan il-ktieb.
