-
Charles Casha
Dawn l-istejjer huma maħsuba għall-qarrejja ta’ bejn id-disa’ snin u t-tnax-il sena, imma dawk ta’ età kbira li jixtiequ jġeddu t-tfulija tagħhom żgur li jieħdu gost bihom.
Ali Kali hija l-ġrajja ta’ żagħżugħ li kien dejjem joħlom li xi darba jiżżewweġ l-isbaħ tfajla tad-dinja. Wara li jirnexxilu jikxef fejn kienet il-moħba tal-ħallelin tal-foresta, huwa jpartat xkora deheb, fidda u ħaġar prezzjuż ma’ żerriegħa li skont Sinbad kellha twasslu biex jaqta’ din ix-xewqa li kellu …
Mammaroka s-sindku ta’ belt fejn kollox jidher li sejjer tajjeb. Bintha Qronflina tħobb lil Sandolino, l-iskarpan tal-belt. Mammaroka ma tridx li bintha tiżżewweġ skarpan u għalhekk ma tkunx trid li bintha tkellem jew tiltaqa’ ma’ Sandolino. Imma dan mhux l-uniku inkwiet li għandha s-sindku. Matul is-snin il-ġrieden fil-belt invadew il-belt kollha u n-nies qed teħodha kontra Mammaroka għax bħala sindku ma kienet qegħda tagħmel xejn biex teqred dawn il-ġrieden. Għalhekk Mammaroka tibgħat lil Petifera, is-segretarja tagħha, biex tipprova ssib lil xi ħadd li jkun jista’ jeħlishom mill-ġrieden. Din terġa’ lura wara ftit u magħha ġġib lil wieħed xiħ li jkun lest li jeqred il-ġrieden basta jagħtuh l-imħabba ta’ Qronflina …
