5.mt: Karti-Mudell jgħin lill-istudenti tar-raba’ u tal-ħames sena tal-iskejjel tas-sekondarja sabiex iħejju lilhom infushom bl-aħjar mod għall-eżami taċ-ĊES fil-Malti, permezz ta’ 10 karti-mudell tal-Ewwel Karta, il-Karta tal-Lingwa, u 10 karti-mudell tat-Tieni Karta, il-Karta tal-Letteratura. Hawnhekk l-istudenti se jitħarrġu fil-fehim it-test, fl-għarfien tal-lingwa, fil-grammatika, fil-kitba tal-komponiment tal-lingwa, tar-rapport u tal-ittra, fir-referenza għall-kuntest tal-poeżija u tal-proża u fil-komponiment tal-letteratura.
David Aloisio
David Aloisio huwa lecturer tal-lingwa u letteratura Maltija ġewwa l-Junior College tal-Università ta' Malta. Qiegħed jirriċerka għal PhD mal-istess università, dwar Dialectic of the Canon: the Maltese Literary Context. L-interessi ta’ riċerka tiegħu jiffukaw fuq ir-relazzjoni - spiss waħda kunflittwali - bejn xogħlijiet letterarji u l-kif jiġu kkategorizzati, konxjament jew inkonxjament, mill-psike kollettiva f’listi informali jew anki f’kanoni letterarji.
