About This Book
2.mt: Xogħol għad-Dar huwa maħsub għal dawk l-istudenti li għandhom għal qalbhom il-grammatika Maltija. Dawn l-eżerċizzji jitilqu kollha minn spunti grammatikali fil-ktieb 2.mt. It-topiks trattati f'dan il-ktieb huma l-għadd tan-nom; il-pronomi magħżulin u l-pronomi mehmużin; il-verbi ewlenin u mnisslin, trilitteri u kwadrilitteri, il-verbi sħaħ u dgħajfin; il-verbi ta' nisel barrani; u n-negattiv.
Kull taqsima għandha fiha 10 eżerċizzji varjati ħafna. Permezz ta' dan il-ktieb l-istudenti se jieħdu gost jaħdmu l-eżerċizzji tal-grammatika filwaqt li jaqraw stejjer u poeżiji interessanti miktuba apposta għal dan il-ktieb.
2.mt: Xogħol għad-Dar huwa maħsub għall-istudenti tat-tieni sena tal-iskejjel tas-sekondarja. L-attivitajiet kollha jgħinu lill-istudenti jkomplu jsaħħu l-lingwa tagħhom.
