1.mt: Xogħol għad-Dar huwa maħsub għal dawk l-istudenti li għandhom għal qalbhom il-grammatika Maltija. L-eżerċizzji ta’ dan il-ktieb jitilqu kollha minn spunt grammatikali fil-ktieb 1.mt. B’kollox hemm 9 taqsimiet u kull taqsima għandha 10 eżerċizzji varjati (minn fittiexa sa imla l-vojt, kompli jew qabbel) u maħsuba apposta għall-istudenti tal-ewwel sena tal-iskejjel tas-sekondarja.
L-attivitajiet ta’ dan il-ktieb huma xierqa għall-istudenti biex ikomplu jsaħħu l-ħiliet grammatikali li bihom huwa msawwar ilsienna.
Sharon Micallef Cann
Sharon Micallef Cann tgħallem il-Malti fl-Iskola Ewropea ta’ Brussell. Awtriċi ta’ 1.mt Xogħol għad-Dar, ta’ 2.mt Xogħol għad-Dar, ta’ 3.mt Xogħol għad-Dar u ta’ 4.mt Xogħol għad-Dar. Hija kordinatriċi u editriċi ta’ bosta proġetti fl-iskejjel. Fl-2011, sa qabel ma marret Brussell, kienet inħatret bħala Kap tad-Dipartiment tal-Malti mal-Ministeru tal-Edukazzjoni fejn ħadmet fil-qasam tat-tagħlim tal-lingwa Maltija ma’ studenti li għandhom il-Malti bħala l-ewwel lingwa, kif ukoll ħadmet fil-qasam tat-tagħlim tal-Malti bħala Lingwa Barranija ma’ studenti li għalihom il-Malti mhuwiex l-ewwel lingwa.
